Ughubughughughughughghlug
kiwifarms.net
- Joined
- May 14, 2019
Wen Jedus see all de crowd dem, e gone pontop one high hill. E seddown dey, an e cipel dem come geda roun um. Den Jesus staat fa laan um. E say,
"Dey bless fa true, dem people wa ain hab no hope een deysef, cause God da rule oba um.
Dey bless fa true, dem wa saaful now, cause God gwine courage um.
Dey bless fa true, dem wa ain tink dey mo den wa dey da, cause all de whole wol gwine blongst ta um.
Dey bless fa true, dem wa hongry an tosty fa wa right, cause dey gwine git sattify.
Dey bless fa true, dem dat onyl wahn fa jes saab de Lawd, cause dey gwine see God.
Dey bless fa true, dem wa da wok haad fa hep people lib peaceable wid one noda, cause God gwine call um e chullun.
Dey bless fa true, dem was oda people mek suffa cause dey da waak craight wid God, cause God da rule oba dem.
Ya bless fa true wen people hole ya chepa and mek ya suffa an wen dey say all king ob bad ting bouta ya wa aint true, cause ya da folla me. Mus be glad fa true, cause ya gwine git a whole heapa good ting dat God da keep fa ya een heaben. Ya mus memba dat de people wa mek ya suffa dem ting yah, dey ole people done de same ting ta de prophet dem wa lib way back dey.
Oona jes like salt fa all people. Bot ef de salt done loss e taste, ain no way ya kin mek um git e good taste back, ainty? Dat salt dey ain good fa nottin, cep chunk um out.
Oona jes like light fa de whole wol. Ain no way ya kin hide a city wa people build pontop a hill. An ain nobody light a lamp an den pit um ondaneet a bushel basket. Steada dat, dey pit de lamp p pontop de table, weh e da shine so all de people een de house kin see. Same way so, ya mus leh ya light shine een front ob people, so dey kin see de good ting ya da do. Den dey gwine praise ya Fada God een heaben!
Ya mus dohn tink say dat A come fa git rid ob de Law wa God gii Moses, needa wa de prophet dem beena laan de people. A ain come fa git rid ob dem. A come fa mek ebryting happen wa dey say been gwine happen. A da tell oona fa true, long as de heaben an de whole wol las, ain nottin een God Law gwine be git rid ob, not eben de leeleetles pen maak needa de leeleetles pint, til all dat de law taak bout done happen fa true. Ef somebody ain do wa eben de leeleetles one ob dem Law dat God gii we say, an ef e laan oda people, say dey ain got fa do um needa, God gwine mek dat poson hab de mos low place weh God da rule. Bot dem wa do wa de Law dat God gii we say, an da laan oda people fa do um too, God gwine gii dem a place high op weh God da rule. So den, A tell oona say, ya ain gwine go ta heaben weh God da rule ef ya ain scraight wid God mo den de Jew Law teacha dem an de Pharisee dem.
Oona done yeh dat dey beena laan de Jew people way back dey, say, 'Ya mus dohn kill nobody. Dey gwine cyaa de poson ta court wa kill somebody.' Bot A tell oona say, whosoneba git mad op wid e neighba, dey gwine cyaa um ta court. Whosoneba shrow slam pon e neighba say, 'Ya ain good fa nottin,' dey gwine cyaa um ta de Jew High Court fa jedge um. An whosoneba tell e neighba say, 'Ya fool!' dat abd nuff fa mek um go suffa een de fire ob hell. So den, ef ya staat fa gii ya gif ta God dey fo de alta een God House, an ya memba dat ya neighba got sompin ginst ya, ya mus lef ya gif dey een front de alta an go scraight ta ya neighba. Fus ya mus mek peace wid um. Den ya kin come back ta God House an gii ya gif ta God.
Ef anybody aagy wid one ob oona an e da cyaa ya ta courthouse, den ya mus try fa settle wid um fo ya git dey. Cause ef ya git ta de courthouse, e gwine han ya oba ta de jedge. An de jedge, e gwine han ya oba ta de police, an dey gwine chunk ya eenta de jailhouse. A da tell oona fa true, ya gwine stay een de jailhouse till ya pay de las cent ob de fine wa ya owe.
Oona yeh dat dey beena laan de people say, 'A man mus dohn sleep wid noda man wife.' Bot A da tell oona say, de man wa look pon a ooman wa ain e wife an wahn fa sleep wid um, dat man done sleep wid dat ooman een e haat. So ef ya right eye da mek ya sin, dig um out an chunk um way! Fa sho, e mo betta fa loss jes one paat ob ya body, den fa leh ya whole body git chunk eenta hell. Ef ya right hand da mek ya sin, cut um off an chunk um way! Fa sho, e mo betta fa loss jes one paat ob ya body, den fa leh ya whole body git chunk eenta hell.
Oona yeh too wa dey beena say, 'Ef a man worce e wife, e haffa write paper an gim ta de ooman fa show e done worce fom um.' Bot A da tell oona say, ef any man worce e wife wen dat ooman ain sleep wid noda man, dat husban sponsible wen e wife git mary gin, fa mek de ooman lib een sin, cause e da sleep wid noda man. An de oda man dat marry de ooman wa done been worce dat way, dat man da lib een sin too. E da sleep wid noda man wife.
Oona yeh too dat dey beena laan de people way back, say, 'Wen ya gii ya wod an sweah ya gwine do sompin fa true, ya mus do wa ya promise fo de Lawd fa do.' Bot A da tell oona say, Mus dohn sweah tall, say 'A sweah ta heaben,' cause een heaben God da seddown an rule. Mus dohn say, 'A sweah ta de wol,' cause God da res e foot pon de wol. Mus dohn say needa, 'A sweah ta Jerusalem,' cause Jerusalem de city ob God de great King. An ya mus dohn say, 'A sweah ta me head,' cause ya ain able fa mek eben one dem hair een ya head ton white or ton black. Mus jes say 'yeah' or 'no,' cause any oda wod come scraight fom de Debil.
Oona yeh too dat dey beena laan de people say, 'Ef somebody buss ya eye out, ya kin buss out dat poson eye,' an 'Ef somebody knock ya teet out, ya kin kock out dat poson teet.' Bot A da tell oona say, Ya mus dohn git back at de poson wa da do ya bad. Ef somebody knock de right side ob ya face, ya mus ton an leh um knock de lef side too. An ef somebody tek ya ta court fa mek ya gim ya shat, ya mus leh um hab ya coat too. Ef somebody mek ya tote a load one mile, ya mus tote e load two mile. Ef somebody beg ya fa sompin, ya mus gim. An ef somebody wahn fa borry sompin fom ya, ya mus lend um ta um.
Oona yeh dat dey beena laan de people say, 'Ya mus lob ya neighba dem and hate dem wa do ya wrong.' Bot A do tell oona say, Ya mus lob dem wa do ya wrong, an ya mus pray ta God fa dem people wa da mek ya suffa. Dat way oona gwine be chullun fa true ob oona Fada een heaben. Oona Fada God da mek de sun shine pon de ebil people an pon de good people dem all two. E da mek rain come down pon dem wa da do wa e wahn an pon dem wa ain do wa e wahn. Ef oona lob jes dem wa lob oona, oona ain got no right fa look fa no payback fom God fa dat, ainty? Cause ben dem wa da geda tax, dey da do de same ting! An ef oona speak jes ta oona broda dem, oona ain do no mo den oda people da do, ainty? Cause eben people wa ain bleebe pon God, dey da do de same ting! Ya mus be pafeck, same like ya Fada God een heaben pafeck.
Tek cyah! Wen ya do dem good ting wa God wahn ya fa do fa hep people, ya mus dohn do um een front ob oda people so dat dey gwine shim. Ef ya da do dat, ya ain gwine git de payback wa ya Fada een heaben got fa.
So wen ya da gii sompin ta dem wa ain got nottin, ya mus dohn tell all de people bout wa ya da do, same like de hypocrit dem do een de Jew meetin house an een de screet. Dey do um fa mek peeople praise um. A da tell oona fa true, dat praise wa dey git fom people, dat all de payback dey gwine git. Bot wen ya da gii ta dem wa ain got nottin, ya mus do um so dat eben ya bes fren ain gwine know bout dat. Mus dohn leh nobody know bout de good ting dem ya done. An ya Fada God wa see wa ya do een secret, e gwine pay ya back.
Wen ya da pray ta Gd, ya mus dohn do like de hypicrit dem da do. Dey lob fa pray wiles dey da stanop een de meetin house an pon de cona ob de screet, so dat all de people kin see dem wiles dey da pray. A da tell oona fa true, dey done git all de payback wa dey gwine git. Bot wen ya da pray, ya mus go eenta ya room. Ya mus shet de door an pray ta ya Fada God wa dey een heaben weh ya cyahn shim. Ya Fada da see all wa ya da do, eben wen nobody else ain shim. An e gwine pay ya back.
Wen ya da pray, ya mus dohn go on an on wid sommuch taak wa ain mean nottin, same like dem wa ain bleebe pon God da do. Dey tink dat wen dey da pray, God gwine yeh um cause dey da pray so long. Ya mus dohn be like dem, cause ya Fada God done know wa ya need fo ya aks um. Pray like dis yah, say,
'We Fada wa day een heaben, leh ebrybody hona ya name.
We pray dat soon ya gwine rule oba de wol.
Wasoneba ting ye wahn, leh um be so een dis wol same like dey een heaben.
Gii we de food wa we need dis day yah an ebry day.
Fagib we fa sin, same like we da fabig dem people wa do bad ta we.
Leh we dohn hab haad test wen Satan try we.
Keep we fom ebil.'
Ef oona fagib oda people fa de bad wa dey do oona, oona Fada een heaben esef gwine fagib oona. Bot ef oona ain fagib oda people fa de bad wa dey do, oona Fada een heaben esef ain gwine fagib oona fa de bad oona do.
Wen ya fast an ain nyam nottin so dat ya kin woshup God, mus dohn pit on no long face same like de hypocrit dem do. Cause dey da go roun wid dey face all mess op so dat ebrybody see dat dey da fast. A da tell oona fa true, dey done git all de payback wa dey gwine get. Bot wen ya fast, ya mus pit oll pon ya head an wash ya face so ya kin look good ta people. Ya mus do dat so dat people ain gwine see ya da fast. Jes ya Fada God wa ain nobody kin see, e da see wa ya da do, eben wen people ain shim. E gwine gii ya ya payback.
Ya mus dohn pile op a whole heapa spensiz ting fa yasef een dis wol. Cause de mot kin nyam um, an de rust kin rust um out, an tief broke een an tief um. Stead ob dat, ya mus ile op ya treadja een heaben. Ain no mot kin nyam um, needa no rust kin rust um out dey, an ain no tief kin broke een an tief um. Cause weh ya tredja da, dat weh ya haat gwine be.
Ya eye like a lamp fa ya body. Ef ya eye good, all ya body full op wid light. Bot ef ya eye ain no good, all ya body gwine be een de daak. So den, ef de light wa spose fa be dey eenside ya ain dey, den de daak wa dey eenside ya gwine be daak fa sho, mo den all oda daak!
Ain nobody able fa saab two massa. Ef ya try fa do dat, ya gwine hate one an lob de oda one. Ya gwine be true ta one an hole de oda one cheap. Ya ain able fa saab God an be a slabe ta money same time.
So den, A da tell oona say, mus dohn warry bout how ya gwine lib, wa ya gwine nyam, or wa ya gwine drink, needa wa cloes ya gwine weah pon ya body. Cause ya life walyable way mo den sompin fa nyam, ainty? An ya body walyable way mo den cloes, ainty? Now den, leh we sutdy bout de bod dem wa fly roun. Dey ain plant no seed, needa geda crop. Dey ain pit op no crop een de conehouse. Stillyet, oona Fada een heaben da feed um. Oona way mo walyable den dem bod, ainty? An fa true, ain nary one ob oona kin lib a bit longa cause e da warry, ainty?
An hoccome ya da warry bout cloes fa weah? Leh we study bout de lily wa da grow wile. Dey ain wok, needa mek cloes fa deysef. Now, A da tell oona, King Solomon been too rich an hab fine cloes. Stillyet, eben Solomon ain neba hab cloes fa dress purty an fine like dem lily. God de one dat gii cloes ta de wile grass. An dat grass dey taday an e gone demarra. People cut um down an bun um op. Ef God dress op de wile grass like dat, fa true e gwine do way mo den dat fa mek sho ya hab cloes fa weah. Sho nuff, oona ain bleebe God wid all oona haat!
So den, ya mus dohn warry none tall say, 'Weh A gwine git sompin fa nyam?' or 'Weh A gwine get sompin fa drink?' needa say, 'Weh A gwine git cloes fa weah?' De people dat ain bleebe een God, dey da warry all de time bout dem ting. Oona sompin fa nyam an drink an cloes fa weah. Bot fus ob all, leh God rule een ya life, an study bout how e wahn ya fa waak all dem oda ting yah too. So den, mus dohn warry bout wa gwine happen demarra. Demarra gwinne hab e own warry. Ebry day hab nuff trouble ob e own.
Mus dohn jedge oda people. Den God esef ain gwine jedge ya. De same way ya jedge oda people, dat how God gwine jedge ya. Ef ya easy on oda peple or ef ya mek um suffa, dat de same way God gwine do ya. Wa mek ya see de leetle splinta ob wood een ya broda eye, bot ya ain pay no mind ta de big log een ya own eye? How ya gwine tell ya broda say, 'Broda, leh me tek dat leetle splinta out ya eye,' wen ya ain ebe pay no mind ta de big log een ya own eye? Ya hypicrit! Fus ya mus tek de big log out ya own eye. Den ya kin see plain how fa tek dat leetle splinta out ya broda eye.
Mus dohn gii dog dem ting wa blongst ta God. Ef ya do dat, de dog gwine ton and teah ya op. Mus dohn shrw ya fine bead dem ta de hog dem. Ef ya do dat, dey gwine mash um onda dey foot, an den ton roun an teah ya op.
Aks God, an e gwine gii ya wa ya ask fa. Look ta God, an ya gwine find wasoneba ya da look fa. Knock ta God door, an e gwine open um op ta ya. Cause de one was da aks, God gwine gim. De one wa da look ta God, e gwine find wasoneba e da look fa. An de one wa da knock ta God door, God gwine open op de door ta um. Ef ya hab a son, an ef e aks ya fa a piece ob bread, ya ain gwine gim no piece ob fish, ya ain gwine gim no snake, ainty? Ef oona we ebil know how fa gii oona chullun good ting, oona Fada een heaben know how fa gii a heap mo good ting ta dem wa aks um!
Een all wa ya do, ya mus do ta ebrybody jes like ya wahn dem fa do ta oona. Dat wa de Law God gii Moses an wa de prophet dem laan we.
Ya mus go een shru de leeleetle door. Cause de door weh people da go een weh dey gwine be stroy een hell, dat door big fa true, an dat way easy fa folla. Plenty people da waak een dat way dey. Bot de door weh people da go een fa git ebalastin life, dat a leeleetle door, an dat way haad fa folla. Ain a whole heapa people wa find dat way.
Oona mus tek cyah! Look out fa dem prophet wa ain taak true. Wen ya shim, dey look jes like sheep. Bot eenside dey haat, dey jes like a wile wolf. Ya gwine know dem by de fruit dey da beah. Ya ain gwine pick grape fom a bramble bush, ainty? Ya ain gwine geda fig fom de briah patch, ainty? Same way so, ebry tree wa da grow good, e da beah good fruit, bot a tree wa ain grow good, e da beah bad fruit. A tree wa da grow good, e cyahn beah no bad fruit. An a tree wa ain gorw good cyahn beah no good fruit. Dey gwine cut down all dem tree wa ain beah no good fruit. Dey gwine chunk um een de fire. So den, ya gwine know dem by de fruit dey da beah.
Ain ebrybody wa da call me say, 'Lawd, Lawd' ain gwine go een weh God da rule een heaben. Jes dem wa do wa me Fada God een heaben wahn. Wen dat day come, plenty people gwine tell me say, 'Lawd, Lawd! Een ya name we done beena tell people wa God say, ainty? Een ya name, we done beena dribe out ebil sperit an do plenty miracle, ainty!' Den A gwine tell um say, 'A ain neba know oona. All oona wickity people, git away fom me!'
So den, ebrybody wa da yeh me wod an do wa A tell um, dey stan same like a poson wa got sense. Wen e build e house, e lay de foundation pon de rock. De rain come, an de riba flood oba. De haad wind blow an beat ginst dat house. Stillyet, de house ain faddown, cause de man done lay de foundation pon de rock. Bot de posonw a yeh me wod an ain do wa A tell um, dat poson dey same like a fool man wa build e house pontop de sand. De rain come, an de riba flood all oba. De haad wind blow and beat ginst dat fool man house. An de house faddown, bam! E smash op!
Atta Jedus done tell de people all dis, dey been stonish how Jedus da laan um. Cause e ain laan um like de Jew Law teacha dem. E laan um like e hab tority fa laan people dem ting yah.
"Dey bless fa true, dem people wa ain hab no hope een deysef, cause God da rule oba um.
Dey bless fa true, dem wa saaful now, cause God gwine courage um.
Dey bless fa true, dem wa ain tink dey mo den wa dey da, cause all de whole wol gwine blongst ta um.
Dey bless fa true, dem wa hongry an tosty fa wa right, cause dey gwine git sattify.
Dey bless fa true, dem dat onyl wahn fa jes saab de Lawd, cause dey gwine see God.
Dey bless fa true, dem wa da wok haad fa hep people lib peaceable wid one noda, cause God gwine call um e chullun.
Dey bless fa true, dem was oda people mek suffa cause dey da waak craight wid God, cause God da rule oba dem.
Ya bless fa true wen people hole ya chepa and mek ya suffa an wen dey say all king ob bad ting bouta ya wa aint true, cause ya da folla me. Mus be glad fa true, cause ya gwine git a whole heapa good ting dat God da keep fa ya een heaben. Ya mus memba dat de people wa mek ya suffa dem ting yah, dey ole people done de same ting ta de prophet dem wa lib way back dey.
Oona jes like salt fa all people. Bot ef de salt done loss e taste, ain no way ya kin mek um git e good taste back, ainty? Dat salt dey ain good fa nottin, cep chunk um out.
Oona jes like light fa de whole wol. Ain no way ya kin hide a city wa people build pontop a hill. An ain nobody light a lamp an den pit um ondaneet a bushel basket. Steada dat, dey pit de lamp p pontop de table, weh e da shine so all de people een de house kin see. Same way so, ya mus leh ya light shine een front ob people, so dey kin see de good ting ya da do. Den dey gwine praise ya Fada God een heaben!
Ya mus dohn tink say dat A come fa git rid ob de Law wa God gii Moses, needa wa de prophet dem beena laan de people. A ain come fa git rid ob dem. A come fa mek ebryting happen wa dey say been gwine happen. A da tell oona fa true, long as de heaben an de whole wol las, ain nottin een God Law gwine be git rid ob, not eben de leeleetles pen maak needa de leeleetles pint, til all dat de law taak bout done happen fa true. Ef somebody ain do wa eben de leeleetles one ob dem Law dat God gii we say, an ef e laan oda people, say dey ain got fa do um needa, God gwine mek dat poson hab de mos low place weh God da rule. Bot dem wa do wa de Law dat God gii we say, an da laan oda people fa do um too, God gwine gii dem a place high op weh God da rule. So den, A tell oona say, ya ain gwine go ta heaben weh God da rule ef ya ain scraight wid God mo den de Jew Law teacha dem an de Pharisee dem.
Oona done yeh dat dey beena laan de Jew people way back dey, say, 'Ya mus dohn kill nobody. Dey gwine cyaa de poson ta court wa kill somebody.' Bot A tell oona say, whosoneba git mad op wid e neighba, dey gwine cyaa um ta court. Whosoneba shrow slam pon e neighba say, 'Ya ain good fa nottin,' dey gwine cyaa um ta de Jew High Court fa jedge um. An whosoneba tell e neighba say, 'Ya fool!' dat abd nuff fa mek um go suffa een de fire ob hell. So den, ef ya staat fa gii ya gif ta God dey fo de alta een God House, an ya memba dat ya neighba got sompin ginst ya, ya mus lef ya gif dey een front de alta an go scraight ta ya neighba. Fus ya mus mek peace wid um. Den ya kin come back ta God House an gii ya gif ta God.
Ef anybody aagy wid one ob oona an e da cyaa ya ta courthouse, den ya mus try fa settle wid um fo ya git dey. Cause ef ya git ta de courthouse, e gwine han ya oba ta de jedge. An de jedge, e gwine han ya oba ta de police, an dey gwine chunk ya eenta de jailhouse. A da tell oona fa true, ya gwine stay een de jailhouse till ya pay de las cent ob de fine wa ya owe.
Oona yeh dat dey beena laan de people say, 'A man mus dohn sleep wid noda man wife.' Bot A da tell oona say, de man wa look pon a ooman wa ain e wife an wahn fa sleep wid um, dat man done sleep wid dat ooman een e haat. So ef ya right eye da mek ya sin, dig um out an chunk um way! Fa sho, e mo betta fa loss jes one paat ob ya body, den fa leh ya whole body git chunk eenta hell. Ef ya right hand da mek ya sin, cut um off an chunk um way! Fa sho, e mo betta fa loss jes one paat ob ya body, den fa leh ya whole body git chunk eenta hell.
Oona yeh too wa dey beena say, 'Ef a man worce e wife, e haffa write paper an gim ta de ooman fa show e done worce fom um.' Bot A da tell oona say, ef any man worce e wife wen dat ooman ain sleep wid noda man, dat husban sponsible wen e wife git mary gin, fa mek de ooman lib een sin, cause e da sleep wid noda man. An de oda man dat marry de ooman wa done been worce dat way, dat man da lib een sin too. E da sleep wid noda man wife.
Oona yeh too dat dey beena laan de people way back, say, 'Wen ya gii ya wod an sweah ya gwine do sompin fa true, ya mus do wa ya promise fo de Lawd fa do.' Bot A da tell oona say, Mus dohn sweah tall, say 'A sweah ta heaben,' cause een heaben God da seddown an rule. Mus dohn say, 'A sweah ta de wol,' cause God da res e foot pon de wol. Mus dohn say needa, 'A sweah ta Jerusalem,' cause Jerusalem de city ob God de great King. An ya mus dohn say, 'A sweah ta me head,' cause ya ain able fa mek eben one dem hair een ya head ton white or ton black. Mus jes say 'yeah' or 'no,' cause any oda wod come scraight fom de Debil.
Oona yeh too dat dey beena laan de people say, 'Ef somebody buss ya eye out, ya kin buss out dat poson eye,' an 'Ef somebody knock ya teet out, ya kin kock out dat poson teet.' Bot A da tell oona say, Ya mus dohn git back at de poson wa da do ya bad. Ef somebody knock de right side ob ya face, ya mus ton an leh um knock de lef side too. An ef somebody tek ya ta court fa mek ya gim ya shat, ya mus leh um hab ya coat too. Ef somebody mek ya tote a load one mile, ya mus tote e load two mile. Ef somebody beg ya fa sompin, ya mus gim. An ef somebody wahn fa borry sompin fom ya, ya mus lend um ta um.
Oona yeh dat dey beena laan de people say, 'Ya mus lob ya neighba dem and hate dem wa do ya wrong.' Bot A do tell oona say, Ya mus lob dem wa do ya wrong, an ya mus pray ta God fa dem people wa da mek ya suffa. Dat way oona gwine be chullun fa true ob oona Fada een heaben. Oona Fada God da mek de sun shine pon de ebil people an pon de good people dem all two. E da mek rain come down pon dem wa da do wa e wahn an pon dem wa ain do wa e wahn. Ef oona lob jes dem wa lob oona, oona ain got no right fa look fa no payback fom God fa dat, ainty? Cause ben dem wa da geda tax, dey da do de same ting! An ef oona speak jes ta oona broda dem, oona ain do no mo den oda people da do, ainty? Cause eben people wa ain bleebe pon God, dey da do de same ting! Ya mus be pafeck, same like ya Fada God een heaben pafeck.
Tek cyah! Wen ya do dem good ting wa God wahn ya fa do fa hep people, ya mus dohn do um een front ob oda people so dat dey gwine shim. Ef ya da do dat, ya ain gwine git de payback wa ya Fada een heaben got fa.
So wen ya da gii sompin ta dem wa ain got nottin, ya mus dohn tell all de people bout wa ya da do, same like de hypocrit dem do een de Jew meetin house an een de screet. Dey do um fa mek peeople praise um. A da tell oona fa true, dat praise wa dey git fom people, dat all de payback dey gwine git. Bot wen ya da gii ta dem wa ain got nottin, ya mus do um so dat eben ya bes fren ain gwine know bout dat. Mus dohn leh nobody know bout de good ting dem ya done. An ya Fada God wa see wa ya do een secret, e gwine pay ya back.
Wen ya da pray ta Gd, ya mus dohn do like de hypicrit dem da do. Dey lob fa pray wiles dey da stanop een de meetin house an pon de cona ob de screet, so dat all de people kin see dem wiles dey da pray. A da tell oona fa true, dey done git all de payback wa dey gwine git. Bot wen ya da pray, ya mus go eenta ya room. Ya mus shet de door an pray ta ya Fada God wa dey een heaben weh ya cyahn shim. Ya Fada da see all wa ya da do, eben wen nobody else ain shim. An e gwine pay ya back.
Wen ya da pray, ya mus dohn go on an on wid sommuch taak wa ain mean nottin, same like dem wa ain bleebe pon God da do. Dey tink dat wen dey da pray, God gwine yeh um cause dey da pray so long. Ya mus dohn be like dem, cause ya Fada God done know wa ya need fo ya aks um. Pray like dis yah, say,
'We Fada wa day een heaben, leh ebrybody hona ya name.
We pray dat soon ya gwine rule oba de wol.
Wasoneba ting ye wahn, leh um be so een dis wol same like dey een heaben.
Gii we de food wa we need dis day yah an ebry day.
Fagib we fa sin, same like we da fabig dem people wa do bad ta we.
Leh we dohn hab haad test wen Satan try we.
Keep we fom ebil.'
Ef oona fagib oda people fa de bad wa dey do oona, oona Fada een heaben esef gwine fagib oona. Bot ef oona ain fagib oda people fa de bad wa dey do, oona Fada een heaben esef ain gwine fagib oona fa de bad oona do.
Wen ya fast an ain nyam nottin so dat ya kin woshup God, mus dohn pit on no long face same like de hypocrit dem do. Cause dey da go roun wid dey face all mess op so dat ebrybody see dat dey da fast. A da tell oona fa true, dey done git all de payback wa dey gwine get. Bot wen ya fast, ya mus pit oll pon ya head an wash ya face so ya kin look good ta people. Ya mus do dat so dat people ain gwine see ya da fast. Jes ya Fada God wa ain nobody kin see, e da see wa ya da do, eben wen people ain shim. E gwine gii ya ya payback.
Ya mus dohn pile op a whole heapa spensiz ting fa yasef een dis wol. Cause de mot kin nyam um, an de rust kin rust um out, an tief broke een an tief um. Stead ob dat, ya mus ile op ya treadja een heaben. Ain no mot kin nyam um, needa no rust kin rust um out dey, an ain no tief kin broke een an tief um. Cause weh ya tredja da, dat weh ya haat gwine be.
Ya eye like a lamp fa ya body. Ef ya eye good, all ya body full op wid light. Bot ef ya eye ain no good, all ya body gwine be een de daak. So den, ef de light wa spose fa be dey eenside ya ain dey, den de daak wa dey eenside ya gwine be daak fa sho, mo den all oda daak!
Ain nobody able fa saab two massa. Ef ya try fa do dat, ya gwine hate one an lob de oda one. Ya gwine be true ta one an hole de oda one cheap. Ya ain able fa saab God an be a slabe ta money same time.
So den, A da tell oona say, mus dohn warry bout how ya gwine lib, wa ya gwine nyam, or wa ya gwine drink, needa wa cloes ya gwine weah pon ya body. Cause ya life walyable way mo den sompin fa nyam, ainty? An ya body walyable way mo den cloes, ainty? Now den, leh we sutdy bout de bod dem wa fly roun. Dey ain plant no seed, needa geda crop. Dey ain pit op no crop een de conehouse. Stillyet, oona Fada een heaben da feed um. Oona way mo walyable den dem bod, ainty? An fa true, ain nary one ob oona kin lib a bit longa cause e da warry, ainty?
An hoccome ya da warry bout cloes fa weah? Leh we study bout de lily wa da grow wile. Dey ain wok, needa mek cloes fa deysef. Now, A da tell oona, King Solomon been too rich an hab fine cloes. Stillyet, eben Solomon ain neba hab cloes fa dress purty an fine like dem lily. God de one dat gii cloes ta de wile grass. An dat grass dey taday an e gone demarra. People cut um down an bun um op. Ef God dress op de wile grass like dat, fa true e gwine do way mo den dat fa mek sho ya hab cloes fa weah. Sho nuff, oona ain bleebe God wid all oona haat!
So den, ya mus dohn warry none tall say, 'Weh A gwine git sompin fa nyam?' or 'Weh A gwine get sompin fa drink?' needa say, 'Weh A gwine git cloes fa weah?' De people dat ain bleebe een God, dey da warry all de time bout dem ting. Oona sompin fa nyam an drink an cloes fa weah. Bot fus ob all, leh God rule een ya life, an study bout how e wahn ya fa waak all dem oda ting yah too. So den, mus dohn warry bout wa gwine happen demarra. Demarra gwinne hab e own warry. Ebry day hab nuff trouble ob e own.
Mus dohn jedge oda people. Den God esef ain gwine jedge ya. De same way ya jedge oda people, dat how God gwine jedge ya. Ef ya easy on oda peple or ef ya mek um suffa, dat de same way God gwine do ya. Wa mek ya see de leetle splinta ob wood een ya broda eye, bot ya ain pay no mind ta de big log een ya own eye? How ya gwine tell ya broda say, 'Broda, leh me tek dat leetle splinta out ya eye,' wen ya ain ebe pay no mind ta de big log een ya own eye? Ya hypicrit! Fus ya mus tek de big log out ya own eye. Den ya kin see plain how fa tek dat leetle splinta out ya broda eye.
Mus dohn gii dog dem ting wa blongst ta God. Ef ya do dat, de dog gwine ton and teah ya op. Mus dohn shrw ya fine bead dem ta de hog dem. Ef ya do dat, dey gwine mash um onda dey foot, an den ton roun an teah ya op.
Aks God, an e gwine gii ya wa ya ask fa. Look ta God, an ya gwine find wasoneba ya da look fa. Knock ta God door, an e gwine open um op ta ya. Cause de one was da aks, God gwine gim. De one wa da look ta God, e gwine find wasoneba e da look fa. An de one wa da knock ta God door, God gwine open op de door ta um. Ef ya hab a son, an ef e aks ya fa a piece ob bread, ya ain gwine gim no piece ob fish, ya ain gwine gim no snake, ainty? Ef oona we ebil know how fa gii oona chullun good ting, oona Fada een heaben know how fa gii a heap mo good ting ta dem wa aks um!
Een all wa ya do, ya mus do ta ebrybody jes like ya wahn dem fa do ta oona. Dat wa de Law God gii Moses an wa de prophet dem laan we.
Ya mus go een shru de leeleetle door. Cause de door weh people da go een weh dey gwine be stroy een hell, dat door big fa true, an dat way easy fa folla. Plenty people da waak een dat way dey. Bot de door weh people da go een fa git ebalastin life, dat a leeleetle door, an dat way haad fa folla. Ain a whole heapa people wa find dat way.
Oona mus tek cyah! Look out fa dem prophet wa ain taak true. Wen ya shim, dey look jes like sheep. Bot eenside dey haat, dey jes like a wile wolf. Ya gwine know dem by de fruit dey da beah. Ya ain gwine pick grape fom a bramble bush, ainty? Ya ain gwine geda fig fom de briah patch, ainty? Same way so, ebry tree wa da grow good, e da beah good fruit, bot a tree wa ain grow good, e da beah bad fruit. A tree wa da grow good, e cyahn beah no bad fruit. An a tree wa ain gorw good cyahn beah no good fruit. Dey gwine cut down all dem tree wa ain beah no good fruit. Dey gwine chunk um een de fire. So den, ya gwine know dem by de fruit dey da beah.
Ain ebrybody wa da call me say, 'Lawd, Lawd' ain gwine go een weh God da rule een heaben. Jes dem wa do wa me Fada God een heaben wahn. Wen dat day come, plenty people gwine tell me say, 'Lawd, Lawd! Een ya name we done beena tell people wa God say, ainty? Een ya name, we done beena dribe out ebil sperit an do plenty miracle, ainty!' Den A gwine tell um say, 'A ain neba know oona. All oona wickity people, git away fom me!'
So den, ebrybody wa da yeh me wod an do wa A tell um, dey stan same like a poson wa got sense. Wen e build e house, e lay de foundation pon de rock. De rain come, an de riba flood oba. De haad wind blow an beat ginst dat house. Stillyet, de house ain faddown, cause de man done lay de foundation pon de rock. Bot de posonw a yeh me wod an ain do wa A tell um, dat poson dey same like a fool man wa build e house pontop de sand. De rain come, an de riba flood all oba. De haad wind blow and beat ginst dat fool man house. An de house faddown, bam! E smash op!
Atta Jedus done tell de people all dis, dey been stonish how Jedus da laan um. Cause e ain laan um like de Jew Law teacha dem. E laan um like e hab tority fa laan people dem ting yah.
