The Baron O’Leys to France is gane
The fashion and the tongue to learn
But he hadna been there a month or twa
‘Til he gat a lady wi bairn
“Come tell me nou, come tell me true
Come tell me who they ca ye
A gentle blood’s atween my twa sides
An I dinna ken who they ca ye”
“Some ca me this, some ca me that
I’m easy who they ca me
But when I walk in Edinburgh streets
The Curling Buckle they ca me
Somе ca me this, some ca me that
I’m еasy who they ca me
But when I’m in Scotland’s king’s high court
Clatter the Speens they ca me
Some ca me this, some ca me that
I’m easy who they ca me
But when wi the Earl O’Murray, I ride
It’s Scour the Brass they ca me”
“Come tell me nou, come tell me true
Come tell me who they ca ye
A gentle blood’s atween my twa sides
An I dinna ken who they ca ye”
“Some ca me this, some ca me that
I’m easy who they ca me
But when I’m at hame on bonnie Deeside
It’s the Baron O’Leys, they ca me”
“Can ye be the Baron O’Leys,” she says
“Ye hae giein me the scorn
Headed or hang’d ye either shall be
Or marry me the morn
Or else pay down ten-thousand croun
For lying ae night sae near me”
“My head is a thing I canna well want
My lady loves sae dearly
But I’ll pay down ten-thousand crouns
And alas that I’ve lain so near ye”
Word has gane to the Lady O’Leys
That the Baron has gotten a baby
The very first word that the Lady, she spoke
Was, “I wish I had him, my laddie”
Then forth she went her Baron to meet
Says, “ye’re welcome to me fairly”
Ye’se hae spice-cakes and seed-cakes sweet
And claret to drink sae rarely
